ڕوانگەی ئیکۆ: گەنجینەی ئەمریکا 35 بانکی عێراقی سزا دەدات

ئاڤا نیوز

ڕوانگەی ئیکۆی عێراقی تایبەت بە بواری ئابووری ئاشکرای کرد،  35 بانک لە کۆی 72 بانکی کارا لە عێراق، دەخرێنە ژێر سزاکانی گەنجینەی ئەمریکاوە و بانکێکی نێودەوڵەتیشی تێدایە.

چیرۆکی سەرەکی: بەپێی بڵاوکراوەی ڕوانگەی ئیکۆی عێراقی، ژمارەی بانکە کاراکانی عێراق 72 بانکە کە سەرمایەکانیان عێراقی، عەرەبی و بیانییە، لەو ژمارەیەش 35 بانکیان سزاکانی گەنجینەی ئەمریکا دەیانگرێتەوە، بەهۆی مامەڵەکردنیان بەدۆلارەوە لەدەرەوەی ڕێنماییەکانی بانکی ناوەندی عێراق. 

ڕاگەیێنراوی فەرمی: ڕوانگەی ئیکۆی عێراقی لەبڵاوکراوەیەکدا ڕایگەیاند: یەکێک لەو بانکانەی سزاکانی گەنجینەی ئەمریکا دەیگرێتەوە بانکی نێودەوڵەتی بەغدایە، ئەویش بەهۆی سپیکردنەوەی دراوەوەیە لەلایەن بەڕێوەبەری پێشووی ڕاسپێردراوی بانکەکەوە کراوە.

زانیاریی زیاتر:  بانکی بەغدا هەژماری بانکیی باڵیۆزخانەی ئەمریکا و فەرمانبەرەکانی لەخۆدەگرێت کە لە ڕێگەیەوە دەتوانن پارەکانیان بە کاش لە عێراق وەرگرن. 
 

ئەوەی پێویستە بیزانیت: ڕوانگەی ئیکۆ ڕێکخراوێکی عێراقییە کار لەسەر چاودێریکردن و شیکردنەوەی داتای ژینگەیی و ئابووریی لە عێراق دەکات و وەک ڕاپۆرتی خولی و هەواڵی نوێکراوە پێشکەشی توێژەران، وەبەرهێنەران، و داڕێژەرانی سیاسەتی دەکات.