وەزیری کۆچ و کۆچبەران: کار بۆ گەڕاندنەوەی نزیکەی حەوت هەزار هاووڵاتیی لە کەمپی هۆل دەکەین

ئاڤا نیوز

وەزیری کۆچ و کۆچبەرانی عێراق جەختی لەسەر گرنگی دەرکردنی بەڵگەنامەی فەرمی بۆ گەڕاوەکانی کەمپی هۆلی سووریا کردەوە، ئاماژەی بەوەشکردووە، زیاتر شەش هەزار هاووڵاتیی عێراقی لە کەمپەکەدا ماونەتەوە و هەوڵەکان بەردەوامن بۆ گەڕاندنەوەیان.

وێنە گەورەکە: کەمپی هۆل گەورەترین کەمپی ژن و منداڵی خێزانەکانی داعشە لە ڕۆژئاوای کوردستان و نزیکەی 50 هەزار ژن و منداڵی لە 60 وڵاتینامەی وڵاتانی جیهان تێدا ڕاگیراوە، لەو ژمارەیەش ئەوانەی هاووڵاتی عێراقین ژمارەیان دەگاتە نزیکەی 18 هەزار کەس.

ڕاگەیێنراوی فەرمی: ئیڤان جابرۆ، وەزیری کۆچ و کۆچبەرانی عێراق ڕایگەیاند: عێراق یەکەم وڵات بوو هاووڵاتیانی خۆی لە کەمپی هۆل گواستووەتەوە، زیاتر لە 17 هەزار کەس گەڕێنراونەتەوە و لەوانە زیاتر لە 11 هەزار کەس دووبارە ئامادەکراونەتەوە بۆ نێو کۆمەڵگە، هاوکات  کار بۆ تەواوکردنی گەڕاندنەوەی زیاتر لە شەش هەزار و 600 کەسی دیکە لە ئارادایە، سەرەڕای ئاستەنگەکانی دابینکردنی بودجە و ڕاگرتنی هەندێک لە چالاکییەکان دوای ڕاگرتنی هاوکارییەکانی ئەمریکا.

"دەرکردنی بەڵگەنامەی فەرمی بۆ ئەو کەسانەی لە کەمپی هۆل گەڕاونەتەوە هەنگاوێکی سەرەکییە بەرەو یەکخستنەوەی خێزانەکان لەگەڵ کۆمەڵگا و دڵنیابوون لە سەقامگیرییان".

زانیاریی زیاتر: بە وتەی جابرۆ وەزارەتەکە بە هەماهەنگی لەگەڵ یەکێتی ئەوروپا توانیویەتی بودجە دابین بکات بۆ نۆژەنکردنەوەی ئەو ناوچانەی کە دیلەکان دەگەڕێنەوەی بۆی و باشترکردنی سەقامگیری.