بەرهەمهێنان و قازانجی دانەغاز زیادیكردووە

ئاڤا نیوز

كۆمپانیای دانەغاز ئاستی بەرهەمهێنان و قازانجەكانی شەش مانگی ئەمساڵی، لە كێڵگە غازییەكانی هەرێمی كوردستان زیادیكردووە و بڕی قازانجەكە لە شەش مانگدا زیاتر لە 73 ملیۆن دۆلارە.

چیرۆكی سەرەكی: کۆمپانیای دانەغازی ئیماراتی كە وەبەرهێنان لە كێڵگە غازییەكانی هەرێمی كوردستاندا دەكات، ڕاپۆرتی داهات و قازانجەکانی شەش مانگی یەكەمی ئەمساڵی بڵاوكردەوە، ئاستی ڕۆژانەی بەرهەمهێنانی گازی سرووشتی لەو ماوەیەدا لە کێڵگەی کۆرمۆر 500 ملیۆن مەتر سێجای تێپەڕاندووە.

نووسراوی فەرمی: بەگوێرەی ڕاپۆرتی داهات و بەرهەمهێنانی كۆمپانیای دانەغاز كە وێنەیەكی بۆ ئاڤا میدیا نێردراوە، داهات بەراورد بە شەش مانگی یەکەمی ساڵی رابردوو، 1٪ زیادیکردووە و گەیشتووەتە 73 ملیۆن و 500 هەزار دۆلار، لە کاتێکدا لە نیوەی یەکەمی ساڵی 2024، گەیشتووەتە 72 ملیۆن دۆلار و كۆی داهاتیشی لە ساڵی ڕابردوو 151 ملیۆن دۆلار بووە.

زانیاریی زیاتر: بەپێی ڕاپۆرتی کۆمپانیاکە، بەرهەمهێنانی غاز لە پرۆژەی 'کۆرمۆر 250' لە قادرکەرەم، پێشکەوتنی باشی بەخۆیەوە بینیوە و ئاستی بەرهەمهێنانی ڕۆژانە لەو کێڵگەیە، 500 ملیۆن مەتر سێجای تێپەڕاندووە.