مەحەتەی هەولێر دەكرێتە مۆزەخانە

ئاڤا نیوز

وێستگەی كۆنی شەمەندەفەری هەولێر، كە ساڵانێكی زۆر گرتووخانە بوو، دەكرێت بە مۆزەخانە و ناوێ لێدەنرێت پێشمەرگە.

زانیاریی بەدەستهاتوو: مەحەتەی هەولێر، ئەو شوێنەی كە لە ساڵانی ناوەڕاستی سەدەی ڕابردوو وێستگەی شەمەندەفەر بوو، پاشان كرا بە گرتووخانە و تاوەكوو چەند ساڵێك پێش ئێستاش چاكسازیی گەورانی هەولێر بوو، دەكرێت بە مۆزەخانە و ئێستا كاری تێدا دەكرێت.

زانیاریی زياتر: دوای تەواوبوونی ناوی لێدەنرێ پێشمەرگە، دوو فارگۆنی كۆنی شەمەندەفەر كە پێشووتر لە وێستگەكە بووە و ئێستا لە كەركووكن دەهێنرێنەوە و  لەو مۆزەخانەیە نمایش دەكرێن.

باكگراوند: مەحەتەی هەولێر دەكەوێتە سەر شەقامی 30 مەتریی و بەرامبەر بە پاركی گلكەند لەنێو سەنتەری شاری هەولێر، لە چلەكانی سەدەی رابردوو تا سەرەتای هەشتاكان لە كاركردن بەردەوام بوو، دواتر كرا بە گرتووخانە، وێستگەكە سەر بە دەستەی هێڵی ئاسنینی عێراقی بووە، لەلایەن دوو كۆمپانیای بەریتانی و هیندی لە ساڵی 1943 دروست كراوە و لە ساڵی 1949 تەواو بووە.