بەرپرسێکی ئیسرائیلی: دەرگای نەتانیاهۆ بۆ وەستاندنی ئۆپەراسیۆنە نوێیەکە کراوەیە

ئاڤا نیوز

نیازی نوێی ئیسرائیل بۆ فراوانکردنی ئۆپەراسیۆنەکانی لە کەرتی غەززە بووەتە جێگەی نیگەرانی، لەبارەی ئەمەشەوە بەرپرسێکی ئیسرائیلی ئاشکرای دەکات، کاتی دەستپێکردنی ئۆپەراسیۆنە نوییەکە دیار نییە، نەتانیاهۆ دەرگاکەی بە کراوەیی هێشتووەتەوە بۆ وەستاندنی ئەم ئۆپەراسیۆنە.

 

زانیاریی بەدەستهاتوو: ماڵپەڕی ئاکسیۆسی ئەمریکی لە زاری بەرپرسێکی ئیسرائیلییەوە ئاشکرای دەکات، کەلێنی نێوان ئیسرائیل و حەماس سەبارەت بە کۆتاییهێنان بە شەڕەکە زۆر گەورەیە و باس لە ڕێککەوتنێکی گشتگیر لە ئێستادا بێمانایە، هیچ کێشەیەک لە گەیشتن بە پلانی کۆتایی لە نێوان ئیسرائیل و ئەمریکادا نییە، بەڵام حەماس قبوڵ ناکات. هاوکات دەشڵێت، شەڕی ئێمە لەگەڵ حەماسە نەک لەگەڵ ئەمریکا.

کاریگەریی و لێکەوتەکان: لەبارەی پلانی ئیسرائیل بۆ سەر کەرتی غەززە بەپرسەکە دەڵێت، ''تا ئێستا هیچ خشتەیەکی کاتی بۆ دەستپێکردنی ئۆپەراسیۆنەکە لە غەززە دانەنراوە، ئەمەش کات بۆ چارەسەری دیپلۆماسی دەڕەخسێنێت ئاماژە بەوەش دەکات بنیامین نەتانیاهۆ سەرۆکوەزیرانی ئیسرائیل دەرگاکەی بە کراوەیی هێشتووەتەوە بۆ وەستاندنی ئۆپەراسیۆنەکە لە غەززە ئەگەر دانوستانەکان بۆ گەیشتن بە ڕێککەوتن دەست پێبکەنەوە''

بەتەنیشت ئەم بابەتەوە: لەسەر هەمان پرس بڕیارە ستیف ویتکۆڤ نێردەی دۆناڵد ترەمپ سەرۆکی ئەمریکا بۆ ڕۆژهەڵاتی ناوەڕاست و سەرۆکوەزیرانی قەتەر لە ئیسپانیا تاوتوێی کۆتاییهێنان بە شەڕی غەززە بکەن.