لە ڕووداوێکی هاتوچۆدا لە ڕێگای شارەزوور-سەیدسادق سێ کەس برینداربوون

ئاڤا نیوز

لەسەر ڕێگای سەرەکی نێوان قەزاکانی شارەزوور و سەیدسادق، ڕووداوێکی هاتووچۆ لەنێوان چوار ئۆتۆمبێلدا ڕوویدا و بەهۆیەوە سێ هاوڵاتی برینداربوون.

زانیاریی پەیامنێر: بەپێی زانیارییەکانی پەیامنێری ئاڤا، ڕووداوەکە زیانی گیانی لێنەکەوتووەتەوە و برینی بریندارەکانیش سووکە. دەستبەجێ دوای ڕووداوەکە، تیمەکانی فریاگوزاری گەیشتوونەتە شوێنی مەبەست و بریندارەکانیان بۆ وەرگرتنی چارەسەر گواستووەتەوە.

زانیاریی زیاتر: تیمەکانی پۆلیسی هاتووچۆ گەیشتوونەتە شوێنی ڕووداوەکە و دەستیان بە لێکۆڵینەوە کردووە بۆ زانینی هۆکاری سەرەکیی پێکدادانەکە و ڕێکارە یاساییەکان گیراونەتەبەر.