قۆناغی دووەمی نۆژەنکردنەوەی ڕێگای هەولێر- بەحرکە دەستپێدەکات

ئاڤا نیوز

لە ماوەی ڕابردوو قۆناغی یەکەمی نۆژەنکردنەوەی ڕێگای هەولێر- بەحرکە جێبەجێکرا، قۆناغی دووەم دەستیپێکردووە، بڕیارە بەمزووانە تەواو بکرێت.

ڕاگەیێنراوی فەرمی: وەزارەتی شارەوانی و گەشت و گوزار، ڕایگەیاندووە، به‌ گوژمه‌ی ملیارێك و 645 ملیۆن دینار لەسەر بودجەی وەبەرهێنانی وەزارەتی شارەوانی و گەشتوگوزار و به‌پێی پلانی شاره‌وانی، پڕۆژه‌ی نۆژه‌نكردنه‌وه‌ی شه‌قامی سه‌ره‌كیی هه‌ولێر - به‌حركه‌ له‌ قۆناغی دووه‌مدا نۆژه‌ن ده‌كرێته‌وه‌ و به‌مزووانه‌ش ته‌واو ده‌بێت.

زانیاریی زیاتر: كاركردن له‌ قۆناغی دووه‌می پرۆژه‌كه‌دا به‌رده‌وامه‌ و بەمزووانه‌ کارەکانی ئه‌م قۆناغه‌ كه‌ نۆژەنکردەوەی شەقامه‌كه‌یه‌‌ لە شەقامی 120 مەتری تاکو 150 مەتری تەواو دەبێت و به‌ڕووی شۆفێراندا ده‌كرێته‌وه‌.

ئەمەش بزانە: ئه‌م شه‌قامه‌ یه‌كێكه‌ له‌ شه‌قامه‌ سه‌ره‌كییه‌كان و شاری هه‌ولێر به‌ به‌حركه‌ و ده‌یان گوند و ناوچه‌ی نیشته‌جێبوون و كشتووكاڵی و پیشه‌سازی ده‌به‌ستێته‌وه‌.