ماکرۆن: داگیرکردنی غەززە هەنگاونانە بەرەو شەڕێکی هەمیشەیی

ئاڤا نیوز

ئەمانوێل ماکرۆن، سەرۆکی فەرەنسا، ڕایگەیاند: پلانی ئیسرائیل بۆ فراوانکردنی ئۆپەراسیۆنەکانی و کۆنترۆڵکردنی شاری غەززە "کارەساتە" و ڕێگایەک دەبێت بۆ "جەنگی هەمیشەیی".

لێدوانی فەرمی: ماکرۆن پلانەکەی ئیسرائیلی مەحکوم کرد و ڕایگەیاند "ئەم جەنگە دەبێت ئێستا بە ئاگربەستێکی هەمیشەیی کۆتایی پێبێت".

زانیاریی زیاتر: ماکرۆن گوتیشی بارمتەکانی ئیسرائیل و خەڵکی غەزە قوربانیی سەرەکیی ئەم ستراتیژیەتە دەبن کە ئیسرائیل دەیگرێتە بەر.

ئەمەش بزانە: ئیسرائیل پلانی هەیە هێزە سەربازییەکانی شاری غەززە لە کەرتی غەززە "کۆنترۆڵ" بکەن؛ ئەمەش لەسەر پێشنیازی سەرۆکوەزیران بنیامین نەتەنیاهۆ کە کابینەی جەنگیی ئەو وڵاتە پەسەندی کردووە.