ئومێد خۆشناو: هەفتەی داهاتوو قۆناغی دووەمی نۆژەنکردنەوەی ڕێگای هەولێر - بەحرکە تەواو دەبێت

ئاڤا نیوز

 

کارەکانی نۆژەنکردنەوەی ڕێگای هەولێر - بەحرکە بەرەو کۆتایی دەچێت و پارێزگاری هەولێریش دەڵێت، سەرەتای هەفتەی داهاتوو نۆژەنکردنەوەی ڕێگاکە تەواو دەبێت.

 

چیرۆکی سەرەکی: قۆناغی دووەمی نۆژەنکردنەوەی ڕێگای هەولێر- بەحرکە، بە گوژمەی یەک ملیار و 645 ملیۆن دینار لەسەر بودجەی وەبەرهێنانی وەزارەتی شارەوانی و گەشتوگوزار ئەنجام دەدرێت، لەم قۆناغەدا ڕێگاکە لە شەقامی 120 مەتری تا شەقامی 150 مەتری نۆژەن دەکرێتەوە.

 

لێدوانی فەرمی: ئومێد خۆشناو، پارێزگاری هەولێر ڕایگەیاند، کارەکانی نۆژەنکردنەوەی ڕێگای هەولێر - بەحرکە بەردەوامە و سەرەتای هەفتەی داهاتوو تەواو دەبێت و شەقامەکە بەڕووی هاتووچۆی هاونیشتمانیان دەکرێتەوە.

 

ئەوەی پێویستە بیزانیت: ڕێگای سەرەکی هەولێر- بەحرکە، قەزای بەحرکە و بەشێکی دەشتی بەرانەتی و دەشتی زرارەتی بە شاری هەولێر دەبەستێتەوە.