بەبۆنەی چلەی ئیمام حوسێن ڕۆژێک پشوو ڕاگەیێنرا

ئاڤا نیوز

 

نووسینگەی ڕێبوار تەها، پارێزگاری کەرکوک، ڕایگەیاند کە سبەی، چوارشەممە ڕێکەوتی 13ی ئابی 2025، لە سەرجەم فەرمانگە و دامەزراوە فەرمییەکانی پارێزگاکەدا پشووی فەرمی دەبێت.

چیرۆکی سەرەکی: ئەم بڕیارە بەبۆنەی "زیارەتی ئەربعین"ـەوە دێت کە یادی چلەی شەهیدبوونی ئیمام حوسێنە و ساڵانە بە ملیۆنان کەس لە سەرتاسەری عێراق و جیهانەوە یادی دەکەنەوە.

ئەوەی پێویستە بیزانیت: لە ڕاگەیێندراوەکەی پارێزگای کەرکوکدا هاتووە کە فەرمانگە خزمەتگوزارییەکان لە پشووەکە بەدەر دەکرێن و بەردەوام دەبن لە جێبەجێکردنی ئەرکەکانیان بۆ خزمەتکردنی هاوڵاتیان لە سەرتاسەری پارێزگاکەدا.

ئەمەش بزانە: ساڵانە لەگەڵ نزیکبوونەوەی بۆنە ئایینییەکاندا، حکومەتی خۆجێی پارێزگاکان بەپێی تایبەتمەندیی ناوچەکە بڕیار لەسەر پشووی فەرمی دەدەن.