ناسر ڕەزازی و عادل هەورامی پێکەوە گۆرانی دەڵێنەوە

ئاڤا نیوز

هەردوو هونەرمەندی ناسراوی کورد، ناسر ڕەزازی و عادل هەورامی پێکەوە دەرکەوتن کە بە یەکەوە گۆرانی دەڵێنەوە.

بینراو و بیستراو: ڤیدیۆیەکی نوێ بڵاوبووەتەوە، هەردوو هونەرمەند ناسر ڕەزازی و عادل هەورامی پێکەوە دەردەکەون. ناسری ڕەزازی دەف لێدەدات و بە هاوبەشی لەگەڵ عادل هەورامی گۆرانی دەڵێتەوە.

لێدوانی تایبەت: عادل هەورامی دەربارەی ئەم ڤیدیۆیە تایبەت بۆ ئاڤا قسەی کرد و ڕایگەیاند، "لەلای من مامۆستا ناسر یەکێکە لە هونەرمەندە هەرە نایابەکان. زۆر ڕێزی لەلای من هەیە و ئێمە هەر بە خێزانی تێکەڵین و کۆدەبینەوە، پێکەوە گۆرانی دەڵێین و جەوی لەم جۆرە زۆر دروست دەکەین".