زیاتر لە دوو هەزار پارچە زەوی دیکە دابەش دەکرێت

ئاڤا نیوز

بەشێکی دیکەی فەرمانبەرانبەرانی سنووری بەڕێوەبەرایەتیی شارەوانییەکانی هەولێر لە وەرگرتنی زەوی سوودمەند دەبن، سبەی چوارشەمە لە سنووری سەرۆکایەتیی شارەوانیی شەمامک تیروپشک بۆ زەوی فەرمانبەران دەکرێت و زیاتر لە دوو هەزار پارچە زەوی دیکە دابەش دەکرێت.

وێنە گەورەکە: زیاتر لە 25 هەزار پارچە زەوی لە سنووری پارێزگای هەولێر بەچەند قۆناغێک دابەش کراون، پرۆسەکە بەردەوامە و  ئەو فەرمانبەر و خانەنشینانەی ماون زەوییان پێدەدرێت.

لێدوانی فەرمی: مەریوان حاکم هادی، بەڕێوەبەری گشتیی شارەوانییەکانی هەولێر بە ئاڤا میدیای ڕاگەیاند، بڕیار بوو هەفتەی ڕابردوو تیروپشکی دابەشکردنی زەوی لە شەمامک بکرێت، بەڵام بەهۆی چەند گرفتێک دواکەوت، سبەی چوارشەممە 13-8-2025، بە ئامادەبوونی پارێزگاری هەولێر تیروپشک بۆ دابەشکردنی زیاتر لە دوو هەزار پارچە زەویی دیکە لە سنووری شەمامک دەکرێت.

هۆکارە زانراوەکان: بەشێکی زۆری ئەوانەی فۆرمی وەرگرتنی زەوییان پڕکردووەتەوە، پێشووتر سوودمەند بوونە، ئەمەش کاریگەری لەسەر پرۆسەکە کردووە، چونکە بۆ وردبینی لەهەر ناوێک چەند کاتژمێرێکی پێویستە.