ڕاگەیێنراوێک لە نەوەی نوێ لەبارەی دەستگیرکردنی شاسوار عەبدولواحید

ئاڤا نیوز

جوڵانەوەی نەوی نوێ لە ڕاگەیێنراوێکدا ئیدانەی دەستگیرکردنی شاسوار عەبدولواحید دەکات، لەوبارەیەوە دەڵێت "بە بێ فەرمانی یاسایی هەڵیانکوتاوەتە سەر ماڵەکەی و بۆ شوێنێکی نادریاریان ڕفاندووە".

چیرۆکی سەرەکی: ئەمشەو، شاسوار عەبدولواحید لە ماڵەکەی لە گوندی ئەڵمانی لە شاری سلێمانی، لەسەر ئەو سکاڵایانەی کە لەسەری تۆمارکراوە، لەلایەن هێزێکی ئەمنییەوە دەستگیر کراوە.

ڕاگەیێنراوی فەرمی: شەوی سێشەممە 12-8-2025، جوڵانەوەی نەوەی ڕایگەیاند: ئەمشەو هێزێکی دەمامکداری یەکێتیی بەبێ هیچ ئاگادارکردنەوەیەکی یاسایی هەڵیکوتایە سەرماڵی سەرۆکی جوڵانەوەکەمان "شاسوار عەبدولواحید"یان بەرەو شوێنێکی نادیار ڕفاند.

لە ڕاگەیێنراوەکەدا هاتوو، "ئەم کردەوە مافیاگەرییە کە هێزێکی حیزبیی سەرۆکی گەورەترین هێزی ئۆپۆزسیۆنی دەستگیر کردووە، جگە لە شەرمەزاریی و ڕیسوایی هیچ واتایەکی تری نیە".

بەگوێرەی ڕاگەیێنراوەکە، "ڕفاندنی شاسوار عەبدولواحید دوای ئەوە دێت کە لە چەند ڕۆژی ڕابردوودا ڕایگەیاندووە، ئەگەر لەم هەفتەیەدا کێشەی مووچە چارەسەر نەکرێت، ئەوا لە هەفتەی داهاتوودا بە کرداری نەوەی نوێ هەڵوێستی گرنگی دەبێت".

لەلایەکی دیکەوە: جوڵانەوەی نەوەی نوێ ئەم دەستگیرکردنەی شاسوار عەبدولواحید بە "'ترسنۆکانە و شەرمەزار کەر" ناودەبات.