سەرۆکی لوبنان بۆ لاریجانی: هەموو دەستوەردانێک ڕەتدەکەینەوە

ئاڤا نیوز

سەرۆککۆماری لوبنان لێدوانەکانی ئێران سەبارەت بە پلانەکانی چەکداماڵینی حیزبوڵڵای لوبنانی بە "نا بوونیادنەر" وەسف دەکات و هەر جۆرە دەستوەردانێکیش لە کاروباری ناوخۆیی وڵاتەکەدا ڕەت دەکاتەوە.

وێنە گەورەکە: عەلی لاریجانی، ئەمینداری نوێی ئەنجوومەنی باڵای ئاسایشی نیشتمانیی ئێران لە لوبنانە و پرسی چەکداماڵینی حیزبوڵڵا و چەند پرسێکی دیکەی سیاسی و ئەمنی لەگەڵ بەرپرسانی وڵاتەکە تاتوێی دەکات.

لێدوانی فەرمی: جۆزێف عەون، سەرۆککۆماری لوبنان بە لاریجانی ڕاگەیاند، "هەر جۆرە دەستوەردانێک لە کاروباری ناوخۆمان ڕەتدەکەینەوە، دەمانەوێت لوبنان بە سەقامگیری بمێنێتەوە، لوبنان دەستوەردان لە کاروباری هیچ وڵاتێکی دیکەدا ناکات و ڕێز لە تایبەتمەندییەکانی دەگرێت لە نێویاندا ئێران نایەوێت هیچ لایەنێک دەستوەردان لە کاروباری ناوخۆیدا بکات."

ئەوەی پێویستە بیزانیت: ئەم لێدوانانەی سەرۆککۆماری لوبنان لە کاتێکدایە، ئێران ڕەتیکردووەتەوە حیزبوڵڵا چەکەکانیان دابنێت.