ئیسرائیل پلانی داگیرکردنی تەواوەتی غەززە پەسەند دەکات

ئاڤا نیوز

سوپای ئیسرائیل لە بەیاننامەیەکدا پلانی نوێی تایبەت بە داگیرکردنی تەواوەتی لەغەززە پەسەند کرد، دوای ئەوەی چەند ڕۆژێک پێشتر لە کابینەی ئەمنی ئسرائیلییەوە پلانەکە خرایەڕوو.

چیڕۆکی سەرەکی: لەسەر پێشنیازی بنیامین نەتانیاهو، سەرۆکوەزیرانی ئیسرائیل فەرمانی ئۆپەراسیۆنێکی نوێ بۆ سوپای وڵاتەکە لە غەززە درا کە تیایدا داوای کۆنترۆڵکردنی باکووری شاری غەززە و دابڕاندنی لە فەڵەستین و جێگیرکردنی ئیدارەیەکی بەڕێوەبردن لە لایەن ئیسرائیلەوە کردبوو.

ڕاگەیێنراوی فەرمی: ئیال زەمیر، سەرۆکی ئەرکانی گشتی ئیسرائیل ڕایگەیاند، ''پلانی ئۆپەراسیۆنی ئیسرائیلی لە کەرتی غەززە پەسەندکردووە''.

ئەوەی پێویستە بیزانیت: پێشتر هەریەک لە ڕووسیا و تورکیا و وڵاتانی عەرەبی و بەریتانیا، ئوسترالیا، نیوزلەندا، ئەڵمانیا و ئیتاڵیا و ژمارەیەک وڵاتی دیکە پلانەکەی ئیسرائیلیان ڕەتکردەوە و بە گەورەترین پێشێلکاری یاسای نێودەوڵەتی ناوزەندیان کرد.