دەرهێنەرێکی کورد بە فیلمێکی ئەنیمەیشن بەشداری فێستیڤاڵێک لە چین دەکات

ئاڤا نیوز

لە 15ـی ئەم مانگە فێستیڤاڵێکی نێودەوڵەتی تایبەت بە کورتەفیلم و موزیک لە وڵاتی چین بەڕێوەدەچێت و دەرهێنەرێکی کورد بە فیلمێکی ئەنیمەیشن بەشداری دەکات.

چیرۆکی سەرەکی: 15ـی ئەم مانگە، بۆ یەکەمجار فێستیڤاڵی نێودەوڵەتی چیای چینگلینگ بۆ موزیک و کورتە فیلم لە وڵاتی چین بەرێوەدەچێت، فیلمەکانی بەشدار نابێت ماوەکەی لە 30 خولەک زیاتر بێت، دەبێت فیلمەکە تایبەت بێت بە چیا یان پەیوەندی مرۆڤایەتی بە سرووشتەوە.

لێدوانی فەرمی: سامی کاکە، دەرهێنەر بە ئاڤای گوت: ئێمەی دەرهێنەران و سیناریۆنووسانی کورد دەمانەوێت لە ڕێگەی کارە هونەرییەکانمان میللەتی خۆمان بە دونیا بناسێنین. وتیشی بۆ یەکەمجارە فیلمێکی کوردی لە وڵاتی چین بەشداری فێستیڤاڵێکی نێودەولەتی دەکات. ئەم فیلمە ناوی چیا بێدەنگەکانە و بۆ ژمارەیەک فێستیڤاڵی دیکە نێردراوە.

گۆشەیەکی دیکەی دیمەنەکە: لەو فێستیڤاڵە جگە لە کورتە فیلم ، سیناریۆ و کاری میوزیکیش بەشداری دەکەن. لە شوێنی پێشوازی خلیسکانی سەر بەفر بەڕێوەدەچێت.