زانیاری لە بارەی ئەو بنکە سەربازییەی ترەمپ و پووتین لێی کۆدەبنەوە ئاشکرا دەکرێت

ئاڤا نیوز

میدیاکانی ئەمریکا بە پشتبەستن بە بەرپرسانی کۆشکی سپی بڵاویانکردەوە، کۆبوونەوەی پێشبینیکراوی نێوان ڤلادیمێر پووتین، سەرۆکی ڕووسیا و دۆناڵد ترەمپ، سەرۆکی ئەمریکا ڕۆژی هەینی لە بنکەیەکی  سەربازی بەڕێوەدەچێت.

وێنە گەورەکە: بڕیارە ڕۆژی هەینی 2025-08-15، هەریەکە لە دۆناڵد ترەمپ، سەرۆکی ئەمریکا و ڤلادیمێر پووتین، سەرۆکی ڕووسیا لە بنکەی سەربازی  ئێلمندۆرف ڕیچاردسۆن، لە ئەنکۆرەیج لە ئەلاسکا  لەسەر چەند پرسێکی گرنگ کۆببنەوە کە ماوەیەکی زۆرە ئامادەکاری بۆ ئەو کۆبوونەوەیە دەکرێت.

ئەوەی لەبارەیەوە دەگوترێت: بەپێی هەواڵێکی ئاژانسی ئەسۆشێتد پرێس، بنکەی هێزی ئاسمانی ئێلمندۆرف و بنکەی سوپای فۆرت ڕیچاردسۆن لە ساڵی 2010 دروستکراوە، و ڕۆڵێکی ستراتیژی و سەرەکی لە چاودێریکردنی چالاکییە سەربازییەکانی سۆڤیەت لە جەنگی سارددا گێڕاوە، هاوکات ئەم بنکەیە هێشتا چاودێری فڕۆکە ڕووسییەکان دەکات کە لە ئاسمانی ئەمریکا دەسوڕێنەوە و ئەمەش بووەتە جێگای گومان کە بۆچی ئەم کۆبوونەوەیە لەم شوێنە ئەنجام دەدرێت.

زانیاریی زیاتر: لە کۆبوونەوەکەی هەردوو سەرۆک، بڕیارە تاوتوێی پرسگەلێکی زۆر بکرێت، دیارترینیان پرسی ئۆکراینا و کاریگەرییەکانی قەیرانی ئۆکراینایە لەسەر دۆخی ڕۆژهەڵاتی ناوەڕاست و پرسی فەڵەستین کە تا ئێستاش وەک خاڵی سەرەکی گرژییەکان لە ناوچەکەدا دەمێنێتەوە.