ئاڤا بەدواداچوون بۆ لێخۆشبوون لە گەڕانەوەی پێشینەی هاوسەرگیری کەمئەندامان دەکات

ئاڤا نیوز

وەزارەی دارایی و ئابووری هەرێمی کوردستان میکانیزم بۆ جێبەجێکردنی بڕیاری لیخۆشبوون لە گەڕانەوەی پێشینەی هاوسەرگیری کەمئەندامان دادەنێت.

چیرۆکی سەرەکی: لەسەر پێشنیازی وەزارەتی کار و کاروباری کۆمەڵایەتی، ئەنجوومەنی وەزیران لە 2025-03-12 بڕیاریدا بە لێخۆشبوون لە گەڕاندنەوەی بڕی پارەی پێشینەی هاوسەرگیری ماوە بۆ سوودمەندانی کەمئەندامان کە پێش ساڵی 2013 پێشینەی هاوسەرگیرییان وەرگرتووە.

لێدوانی فەرمی: ئاریان ئەحمەد، وتەبێژی وەزارەتی کار و کاروباری کۆمەڵایەتی بە ئاڤا میدیای گوت: هەرکاتێک وەزارەتی دارایی ڕێنمایی جێبەجێکردنی ئەم بڕیارە دەربکەن، ئێمە لیستی ئەو کەمئەندامان ئامادە دەکەین و هەر ڕێکارێک لە ئەستۆی ئێمە بێت جێبەجێی دەکەین.

لەلایەکی دیکەوە: سەرچاوەیەک لە وەزارەتی دارایی و ئابووری بە ئاڤا میدیای گوت: ئەو نووسراوە دەچێتە بەشی دیراسات و لە ڕێگەی لیژنەیەک کە لە نۆ کەس پێکهاتووە، مکانیزمی لێخۆشبوونەکەی دادەنرێت.