نرخی زێڕ لە بازاڕەکاندا بەرزدەبێتەوە

ئاڤا نیوز

لە بازاڕەکاندا نرخی زێڕ جارێکی دیکە بەرزبووەوە، ئەندامێکی سەندیکاری زێڕەنگەرانیش دەڵێت، 'لەم هەفتەیەدا نرخی زێڕ تەنیا پێنج هەزار دینار بەرزبووەتەوە یان دابەزیووە'.

لێدوانی فەرمی: سەفین وەرتی، ئەندامی سەندیکای زێڕەنگەرانی هەولێر، بە ئاڤا میدیای ڕاگەیاند: 'ئەمڕۆ پێنجشەممە، هەر مسقاڵێک زێر سێ هەزار دینار و هەر ئۆنسەیەکیش 10 دۆلار نرخەکەی بەرزبووەتەوە'.

ئەندامەکەی سەندیکای زێڕەنگەرانی هەولێر وتی؛ ئەم هەفتەیە گۆڕانکاری لە نرخی مسقاڵێک زێڕدا تەنیا پێنج هەزار دینار بووە، یان زیاد بووە یان کەمبووەتەوە، هۆکارەکەش گفتوگۆکانی نێوان ئەمریکا و ڕووسیایە.

زانیاریی زیاتر: نرخی زێڕ لە بازاڕەکانی هەرێمی کوردستان کە لەسەر نرخی دۆلار بە 140 هەزار دینار دانراوە، بەم جۆرەیە:

٠ مسقاڵێک زێڕی عەیار 22 بە 696 هەزار دینارە

٠ مسقاڵێک زێڕی عەیار 21 بە 665 هەزار دینارە

٠ مسقاڵێک زێڕی عەیار 18 بە 570 هەزار دینارە

٠ یەک ئۆنسە زێڕ بە سێ هەزار و 350 دۆلارە