ئۆکراینا و ڕووسیا گەڕێکی دیکەی دیلەکانیان ئاڵوگۆڕ کرد

ئاڤا نیوز

لەکاتێکدا ئامادەکارییەکان بۆ بەڕێوەچوونی کۆبوونەوەی لووتکەی نێوان ڕووسیا و ئەمریکا دەکرێت لە ئالاسکا، ڕووسیا و ئۆکراینا گەڕێکی دیکەی دیلەکانیان ئاڵوگۆڕکرد.

وێنە گەورەکە: سێ ساڵ زیاترە جەنگی نێوان ڕووسیا و ئۆکراینا بەردەوامە و ئێستا هەوڵەکان بۆ کۆتاییهێنان بەو جەنگە لەلایەن سەرۆکی ئەمریکاوە چڕتر کراوەتەوە و بڕیارە سبەی پووتین  و ترەمپ لە ئالاسکا لەبارەی کۆتاییهێنان بەو جەنگە کۆببنەوە.

لێدوانی فەرمی: ڤۆلۆدیمێر زێلینسکی، سەرۆکی ئۆکراینا ڕایگەیاند، "گەڕێکی دیکەی دیلەکانمان لەگەڵ ڕووسیا ئاڵوگۆڕ کرد و هەوڵەکان بەردەوامن. هاوکات ئەمڕۆ 84 دیلی دیکەمان گەڕاندەوە ناو ماڵەکانیان".

ئەمەش بزانە: سەرۆکی ئەمریکا، دۆناڵد ترەمپ هەوڵەکانی بۆ کۆتاییهێنان بە جەنگە جیهانییەکان و لەنێوان وڵاتان چڕتر کردووەتەوە و دەیەوێت ئاشتی بۆ جیهان بگەڕێنێتەوە.