پیسی کەشوهەوای چەند شارێکی ئێران هێڵی سوور تێدەپەڕێنێت

ئاڤا نیوز

بەهۆی پیسبوونی کەشوهەوا لە ئێران، چەند شارێک هێڵی سووریان تێپەڕاندووە و تارانی پایتەخت یەکێکە لەو شارانە. داوا لە هاووڵاتییان دەکرێت بەبێ دەمامک نەچنە دەرەوە.

وێنە گەورەکە: پیسبوونی کەشوهەوا بە یەکێک لە هۆکارەکانی نەخۆشی و مردن لە جیهان دادەنرێت، ئێران یەکێکە لەو وڵاتانەی کە زۆرجار ڕووبەڕووی ئەم کێشەیە دەبێتەوە، کەشناسی و تەندروستی ئێران هاووڵاتیان لەپیسبوون و تێپەڕبوونی چەند شارێکی ئێران لە هێڵی سوور ئاگادارکردەوە.

ڕاگەیێنراوی فەرمی: شەهریار عەسکەری، بەڕێوەبەری پەیوەندییە گشتییەکانی بەڕێوەبەرایەتیی ژینگەی خوزستان ڕایگەیاند: تاران، ئەهواز و مەشهەد لەو شارانەن کە هێڵی سووری پیسی هەوایان تێپەراندووە، داوا لە هاووڵاتییان دەکات بەبێ دەمامک نەچنە دەرەوە یان بۆ کاری پێویست نەبێت لە ماڵەکانیان نەچنە دەرەوە و بمێننەوە.

لەلایەکی دیکەوە: جێگری سەنتەری توێژینەوەی کوالێتی هەوا و گۆڕانی کەشوهەوا له زانکۆی زانسته پزیشکییەکانی شەهید بەهەشتی تاران دەڵێت: تەنیا لە ساڵی 2024 لە ئێران 35 هەزار کەس بەهۆی پیسی هەوا تووشی نەخۆشی بوون و گیانیان لەدەستداوە کە ئامارێکی مەترسیدارە بۆ ئەو وڵاتە.

ئەوەی پێویستە بیزانیت: لە سەرەتای ساڵ لە ئێران تاوەکو ئەمڕۆ تاران شەش ڕۆژ هەوای زۆر پاک و 84 ڕۆژ هەوای نیمچە پاکی هەبووە، ئەمەش بە نائاسایی ناودەبرێت و شارەزایان دەڵێن، ئەم پیسی هەوایە بۆ کەسانی تەندروست باشیش مەترسی توشبوونی نەخۆشی هەیە.