کەشتییەکی جەنگیی ئەمریکا ڕەوانەی ناوچەکە دەکرێت

ئاڤا نیوز

کەشتییەکی فڕۆکەهەڵگریی ئەمریکی گەیشتە کەناراوەکانی بەحرەین.

چیرۆکی سەرەکی: کەشتیی یو ئێس ئێس نیمیتیز بە گەرووی هورمزدا تێپەڕیوە و گەیشتووەتە کەناروەکانی بەحرەین.

زانیاریی زیاتر: نیمیتیزکۆنترین کەشتی هێزی دەریایی ئەمریکایە و نزیکەی نیو سەدەیە خزمەت دەکات. 

ئەمەش بزانە: دوایین جار کە کەشتییەکی فڕۆکە هەڵگری ئەمریکی چووە ناوچەکە زیاتر لە ساڵێک لەمەوبەر بوو؛ ئەویش دوای شەڕی ئیسرائیل و حەماس، کاتێک گروپی هێرشبەری کەشتی فڕۆکە هەڵگری تیۆدۆر ڕۆزڤێڵت لە ناوچەکە جێگیرکرا.

ئەوەی پێویستە بیزانیت: چوونی ئەم کەشتییە بۆ بەحرەین لەکاتێکدایە کە شەڕی نێوان ئێران و ئیسرائیل وەستاوە، هەرچەندە بەشێک لە میدیاکانی ئیسرائیل باس لە ئەگەری هێرشی دووبارەی ئیسرائیل بۆ سەر ئێران دەکەنەوە. هاوکات دۆناڵد ترەمپ، سەرۆکی ئەمریکا، پێشتر چەند جارێک هەڕەشەی ئەوەی کردووە کە ئەگەر ئێران دامەزراوە ئەتۆمییەکانی بونیات بنێتەوە، ئەوا جارێکی دیکە هێرشیان دەکاتەوە سەر.