نزیکەی 362 هەزار خێزان لە هەرێمی کوردستان نەوتی سپییان وەرگرتووە

ئاڤا نیوز

وەزارەتی نەوتی عێراق تا ڕۆژی 27-3-2024 نزیکەی 50 ملیۆن لیتر نەوتی سپی بۆ هەرێمی کوردستانی ناردووە و بەسەر پارێزگاکانی هەرێمی کوردستان دابەشکراون.

وێنە گەورەکە: بەگوێرەی ڕێککەوتنی نێوان وەزارەتی سامانە سروشتییەکانی هەرێمی كوردستان و وەزارەتی نەوتی عێراق، دەبێت حکومەتی فیدراڵی هاوشێوەی پارێزگاکانی عێراق نەوتی سپی بۆ هەرێمی کوردستان بنێرێت.

ژمارەکان وادەڵێن: حکومەتی عێراق لە پارێزگای هەولێر، زیاتر لە 15 ملیۆن لیتر نەوتی سپی دابەشکردووە، لە سلێمانی و هەڵەبجە، زیاتر لە 26 ملیۆن لیتر، لە دهۆک، نزیکەی هەشت ملیۆن لیتر نەوتی سپی دابەشکردووە.

ئەمەش بزانە: نزیکەی 362 هەزار خێزان لە وەرگرتنی نەوتی سپی سوودمەند بوون، لە هەولێر زیاتر لە 153 هەزار خێزان، سلێمانی و هەڵەبجە زیاتر لە 130 هەزار خێزان، دهۆک نزیکەی 78 هەزار خێزان سوودمەند بوون.