مەسرور بارزانی: بەلێن بێت ڕێباز و فەرمانی سەرۆک بارزانی بکەینە بەرنامەی کاری ڕۆژانە

ئاڤا نیوز

مەسرور بارزانی، جێگری سەرۆکی پارتی، بەبۆنەی لە دایکبوونی سەرۆک بارزانی و یادی 79 ساڵەی دامەزراندنی پارتی پەیامێکی بڵاوکردەوە و دەڵێت: بەلێن بێت ڕێباز و فەرمان و دید و بۆچوونەکانی جەنابت بۆ کوردستانێکی ئازاد و ئارام و سەقامگیر و خۆشگوزەران و دادپەروەر بکەینە بەرنامەی کاری ڕۆژانە و ئەرکی نیشتیمانی خۆمان.

چیرۆکی سەرەکی: بەبۆنەی ساڵیادی لەدایکبوونی سەرۆک بارزانی، کە هاوکات ساڵیادی دامەزراندنی پارتیشە، مەسرور بارزانی، جێگری سەرۆکی پارتی پیرۆزبایی لە سەرۆک بارزانی دەکات.

ڕاگەیێنراوی فەرمی: مەسرور بارزانی، جێگری سەرۆکی پارتی دیموکراتی کوردستان ڕایگەیاند، "جەژنی لە دایکبوونی باوک و سەرۆک و ڕابەر و پێشمەرگەی کوردستان و ساڵڕۆژی دامەزراندنی پارتی دیموکراتی کوردستان لە هەموومان و بە تایبەتی لە بنەماڵەی سەربەرزی شەهیدان و پێشمەرگە قارەمانەکان پیرۆز بێت، ئاواتەخوازم خوای گەورە بتانپارێزێت و تەندروست بن".

لە بەشێکی دیکەی پەیامەکەی بۆ سەرۆک بارزانی دەڵێت: خۆزگە هەموومان دەمانتوانی لە ئاستی گەورەیی جەنابت خزمەت بکەین، بەلێن بێت ڕێباز و فەرمان و دید و بۆچوونەکانی جەنابت بۆ کوردستانێکی ئازاد و ئارام و سەقامگیر و خۆشگوزەران و دادپەروەر بکەینە بەرنامەی کاری ڕۆژانە و ئەرکی نیشتیمانی خۆمان. هەر بمێنیت بۆمان و هەر لە لووتکەی سەرکەوتندا بیت و پارتیش هەر لە پێشکەوتن و سەرکەوتنی بەردەوامدا بێت.

باکگراوند: پارتی دیموکراتی کوردستان لە 16-8-1946 بە ڕێبەرایەتی مەلا مستەفا بارزانی دامەزرا. ئێستا لەسەر ئاستی عێراق خاوەن گەورەترین پێگەی جەماوەرییە.