ترەمپ کۆبوونەوەکەی لەگەڵ پووتین بە ئەرێنی ناوزەند دەکات

ئاڤا نیوز

دواجار لووتکەی نێوان ترەمپ و پووتین لە ئەلاسکا بەڕێوەچوو، ترەمپ پووتینی بەدڵبووە و ئامۆژگاریش زێلێنسکیش دەکات و دەڵێت: ڕێککەوتن نزیکبووە و زێلێنسکی دەبێت ڕازی بێت.

چیرۆکی سەرەکی: ڕۆژی هەینی کۆوبوونەوەی لووتکەی نێوان سەرۆکی ئەمریکا و سەرۆکی ڕووسیا بەڕێوەچوو، ترەمپ لەگەڵ مارکۆ ڕوبیۆ، وەزیری دەرەوە و ستیڤ وتیکۆف، نێردەی تایبەتی خۆی بەشداری کۆبوونەوەکەی کرد و لایەنی ڕووسیش هەر یەکە لە، سێرگی لاڤرۆڤ، وەزیری دەرەوە و یوری ئۆشانکۆڤ، یاریدەدەری پووتین بەشدارییان کرد.

لێدوانی فەرمی: دۆناڵد ترەمپ، سەرۆکی ئەمریکا بە  کەناڵی فۆکس نیوزی ئەمریکی ڕایگەیاند،  کۆبوونەوەکەم لەگەڵ پووتین 10 لەسەر 10 ـی پێدەدەم، لە پێوەری یەک بۆ 10ـیەوە.

ئەوەی لەبارەیەوە دەگوترێت: ترەمپ وتیشی، دانوستانم لەگەڵ پووتین کردووە لەسەر ئەو خاڵانەی کە بریتین لە ناتۆ، ڕێوشوێنی ئاسایش و خاک، ترەمپ دەشڵێت، “پێموایە ئێمە زۆر نزیک بووین لە گەیشتن بە ڕێککەوتن" ئامۆژگاری ڤۆلۆدیمێر زێلێنسکی، سەرۆکی ئۆکراینا کرد کە ڕێککەوتنێک بۆ کۆتاییهێنان بە شەڕەکە لە ئۆکراینا ئەنجام بدات. وتیشی: ئامۆژگاریم بۆ زێلێنسکی ئەوەیە ڕێککەوتن بکات.