ڕووسیا ئاشكرای دەکات لە داهاتوویەكی نزیکدا لەگەڵ ئەمریکا کۆدەبنەوە

ئاڤا نیوز

لەبارەی کۆبوونەوەی نێوان ترەمپ و پووتین، باڵیۆزی ڕووسیا لە ئەمریکا ئاشكرای دەکات، جارێکی دیکە هەردوو لایەنی ڕووسی و ئەمریکی کۆدەبنەوە.

چیڕۆکی سەرەکی: لە چوارچێوەی هەوڵەکان بۆ کۆتایهێنان بەشەڕی نێوان ڕووسیا و ئۆکراینا، ڕۆژی هەینی  15-8-2025 ، دۆناڵد ترەمپ، سەرۆکی ئەمریکا و ڤلادیمێر پووتین، سەرۆکی ڕووسیا لەسەر پرسی جەنگی ئۆکراینا کۆبوونەوە.

لێدوانی فەرمی: ئەلێکسەندەر دارتچییڤ، باڵیۆزی ڕووسیا لە ئەمریکا ڕایگەیاند، ئامانج لە کۆبوونەوەی داهاتووی نێوان ڕووسیا و ئەمریکا چارەسەری خاڵە ناکۆکەکانی نێوان هەردوولا بکرێت و ئاساییکردنەوەی پەیوەندییەکان لەنێوان ئەمریکا و ڕووسیایە، هاوکات بە ئامانجی گفتوگۆکردن لەبارەی خاڵی ناکۆکی نێوان هەردوولا، جارێکی دیکە هەردوو لایەنی ڕووسی و ئەمریکی کۆدەبنەوە.

زانیاریی زیاتر: دوای کۆتاییهاتنی لووتکەی ئەلاسکا، پووتین هیوای خواست جاری داهاتوو لە مۆسکۆ لەگەڵ ترەمپ کۆببنەوە.