دوای لووتکەی ئەلاسکا ڕووسیا هێرش بۆ سەر ئۆکراینا ئەنجام دەداتەوە

ئاڤا نیوز

سەرەڕای هەوڵەکان بۆ ڕاگرتنی شەڕی نێوان ڕووسیا و ئۆکراینا، شەوی ڕابردوو 85 فڕۆکەی بێفڕۆکەوانی ڕووسی، ئاراستەی پێگە ئۆکراینا کراوە.

زانیاریی بەدەستهاتوو: هێزی ئاسمانی ئۆکراینا ڕایگەیاندووە: مۆسکۆ "بە مووشەکێکی بالیستیکی ئیسکاندەر ئێم و 85 فڕۆکەی بێفڕۆکەوان هێرشی کردووەتە سەر ناوچە ئۆکراینییەکان''.

زانیاریی زیاتر: ‌هێزەکانی ئۆکراینا ئاماژە بەوە دەکەن 61 لەو فڕۆکە بێفڕۆکەوانانە خراونەتە خراوە.

کاریگەری و لێکەوتەکان: ئەم هێرشەی ڕووسیا لە کاتێکدایە، لووتکەی نێوان دۆناڵد ترەمپ سەرۆکی ئەمریکا و ڤلادێمیر پووتین، سەرۆکی ڕووسیا لە ئەلاسکا بەڕێوەچوو، هەردوولا گفتوگۆکانیان بە ئەرێنی وەسف کرد بەڵام بەبێ ڕاگەیاندنی دەرئەنجامێک بۆ کۆتاییهێنان بەشەڕی زیاتر لە سێ ساڵەی نێوان مۆسکۆ و کێیڤ.