هێزە ئەمنییەکانی عێراق تیرۆریستێکی داواکراو دەستگیر دەکەن

ئاڤا نیوز

دەزگای دژە تیرۆری عێراق بە هاوکاریی هاوپەیمانیی نێودەوڵەتی بۆ بەرەنگاربوونەوەی تیرۆر لە عێراق و سووریا لە ئۆپەراسیۆنێکدا تیرۆریستێکی داعشی "داواکراو" و "گرنگ"ـی دەستگیر کرد.

چیرۆکی سەرەکی: کاتژمێر 23ـی شەوی 13ـی 8، دەزگای بەرەنگابوونەوەی تیرۆر بە پشتبەستن بە زانیاری هەواڵگریی ورد، و بە فڕۆکەیەکی سەرکەوتوو و دابەزینی هێزێکی ئاسمانییەوە و بە پاڵپشتی تەکنیکی ڕاوێژکارانی هاوپەیمانی نێودەوڵەتی تیرۆریستێکی داعش کە پێشتر داواکراو بوو دەستگیر کرا.

ڕاگەیێنراوی فەرمی: فەرماندەیی ئۆپەراسیۆنە هاوبەشەکانی عێراق ڕایگەیاند: تیرۆریستەکە "سەلمان خدر سلێمان داود"ـە لەسەر سنووری فەرماندەیی ئۆپەراسیۆنەکانی کەرکووک و سەڵاحەددین، بە تایبەتی لە ناوچەی (سەرهید ئەلمەتەر) دەستگیرکراوە و ژمارەیەک چەک و ئامێری پەیوەندی و کەرەستەی دیکەی پێبووە.

زانیاریی زیاتر: ئەم تۆمەتبارە ئامانجێکی تیرۆریستی باڵا بووە و لەلایەن هێزە ئەمنییەکانی عێراقەوە داواکراوە، پێشتر لەگەڵ قاعیدە و دواتر لەگەڵ داعش کاری کردووە، لە ئێستادا دەزگای بەرەنگاربوونەوەی تیرۆر لێکۆڵینەوەی لەگەڵ دەکات، دواتر ڕەوانەی دادگا پەیوەندیدارەکان دەکرێت.