وەزارەتی ناوخۆ بڕیارێک لە بەرژەوەندیی سوارڕەوەکان دەردەکات

ئاڤا نیوز

وەزارەتی ناوخۆی حکومەتی هەرێمی کوردستان بڕیارێکی لە بەرژەوەندی ئەو سوارڕەوانە دەرکردووە، کە بەهۆی هەر کەیسێکی یاساییەوە دەستی بەسەرداگیراوە.

بڵاوکراوەی فەرمی: ڕۆژ 17-8-2025 بەڕێوەبەرایەتیی هاتووچۆی سلێمانی ڕایگەیاند: هەر جۆرە سوارڕەوێک کە بە هەر هۆکارێک و کەیسێکی یاسایی بە بڕیاری دادوەر دەستی بەسەرداگیرابێت، بۆ گەراجی دەست بەسەرداگرتنی بەڕێوەبەرایەتیی هاتووچۆکانی هەرێمی کوردستان بنێردرێن، ئەوا لە کاتی گێڕانەوەی بۆ خاوەنەکەی کرێی گەراجی لێ وەرناگیرێت.

زانیاریی زیاتر: ئەم بڕیارەی وەزارەتی ناوخۆ ئەو سوارڕەوانە ناگرێتەوە کە سەرپێچی هاتووچۆیان کردووە، تەنیا ئەو سوارڕەوانە دەگرێتەوە کە بە بڕیاری دادوەری لێکۆڵینەوە دەستیان بەسەردادەگیرێت.

ئەوەی پێویستە بیزانیت: بڕیارەکە لە مانگی 11ی ساڵی 2024 لەلایەن وەزارەتی ناوخۆی حکومەتی هەرێمی کوردستانەوە دەرچووە و چووەتە بواری جێبەجێکردنەوە.