دادگەی دادی نێودەوڵەتی بڕیارێكی تایبەت بە غەززە دەركرد

ئاڤا نیوز

دادگەی دادی نێودەوڵەتی، کە بارەگای سەرەکیی لە شاری لاهای هۆڵەندایە، بڕیارێکی تایبەت بە قەیرانی مرۆیی غەززە دەرکرد. بە گوێرەی بڕیارەكە دەبێت ئیسرائیل بێ دواکەوتن رێگە بە گەیاندنی یارمەتیی مرۆیی بەپەلە بۆ کەرتی غەززە بدات. 

ڕاگەیێنراوی فەرمی: دادگەی لاهای لە بڕیارەکەیدا ئاماژەی بەوە کردووە کە دەبێت ئیسرائیل هەموو ڕێکارە پێویست و کاریگەرەکان بگرێتە بەر بۆ دڵنیابوونەوە لەوەی کە بێ دواکەوتن و بێ بەربەست، خزمەتگوزاری و پێداویستیی سەرەتایی و بەپەلە و یارمەتیی مرۆیی بگاتە غەززە.

ئەوەی پێویستە بیزانیت: پێشتر ئەفریقای باشوور لە دادگەی دادی نێودەوڵەتی ئیسرائیلی بە ئامادەکاری بۆ ئەنجامدانی جینۆساید لە غەززە تۆمەتبار کرد و سکاڵای لە سەر تۆمار کرد.

وێنە گەورەكە: بەهۆی هێرشی ئیسرائیلەوە قەیرانێکی مرۆیی گەورە لە غەززە سەریهەڵداوە و دانیشتوانەکەی ڕووبەڕووی برسێتی توند بوونەتەوە، جگە لەوەی زیاتر لە 32 هەزار سڤیل كوژراون.