میسر ئاوارەبوونی فەڵەستینییەکان ڕەت دەکاتەوە

ئاڤا نیوز

میسر لەبەرامبەر پلانی گواستنەوەی فەڵەستینییەکان لە کەرتی غەززە و کەناراوەکانی ڕۆژئاوا لەلایەن ئیسرائیلەوە هاتە دەنگ و بە "تووندی" ڕەتیدەکاتەوە.

چیرۆکی سەرەکی: ئیسرائیل لە چوارچێوەی کۆنترۆڵكردنی کەرتی غەززە و کەناراوەکانی ڕۆژئاوای فەڵەستین دانوستانی لەگەڵ چەند وڵاتێک دەستپێکردووە لەپێناو گواستنەوەی خەڵکی غەززە، ئەمەش کاردانەوەی وڵاتانی عەرەبی و ئیسلامی بەدوای خۆیدا هێناوە و لە سەرووی هەموویانەوە میسر بە تووندی ئەو پلانەی ئیسرائیل ڕەتدەکاتەوە.

ڕاگەیێنراوی فەرمی: وەزارەتی دەرەوەی میسر ڕایگەیاند: بە تووندی هەر پلانێکی ئیسرائیلی بۆ گواستنەوەی گەلی فەڵەستین لە ژێر هەر بیانوو و پاساو و ناوێکدا ڕەتدەکەینەوە، جا ئاوارەبوونەکە زۆرەملێ بێت یان خۆبەخشانە، لە ڕێگەی سیاسەتی برسیکردن و دەستبەسەرداگرتنی زەوی.

زانیاریی زیاتر: میسر دووپاتی کردەوە گواستنەوەی فەڵەستینییەکان قبوڵ ناکات و بەشداری ناکات، بە نادادپەروەرییەکی مێژوویی دەزانێت کە هیچ پاساوێکی ئەخلاقی و یاسایی نییە، چونکە بە ناچاری دەبێتە هۆی لەناوبردنی دۆزی فەڵەستین.