مەشهەدانی و وەزیری نەوت پرسی بە قاچاخبردنی بەرهەمە نەوتییەکان تاوتوێ دەکەن

ئاڤا نیوز

مەحموود مەشهەدانی، سەرۆکی پەرلەمانی عێراق و حەیان عەبدولغەنی، وەزیری نەوتی عێراق تاوتوێی پرسی "بە قاچاخبردنی" بەرهەمە نەوتییەکانیان کرد. هاکات، مەشهەدانی داوای لە لیژنەی دەستپاکی کرد بەردەوام بەدواداچوون بۆ ڕێکارەکان بکات.

وێنە گەورەکە: مەحموود مەشهەدانی بە ئامادەبوونی زیاد جەنابی، سەرۆکی لیژنەی دەستپاکی لە پەرلەمانی عێراق پێشوازیی لە حەیان عەبدولغەنی کرد و چەندین پرسی پەیوەست بە نەوت و وزەیان خستە بەر باس.

ڕاگەیێنراوی فەرمی: نووسینگەی مەشهەدانی ڕایگەیاند چەندین پرسی پەیوەست بە کەرتی وزە تاتوێ کران، دیارترینیان:

• پرسی بە قاچاخبردنی بەرهەمە نەوتییەکان و ڕێگاکانی چارەسەرکردنی لەڕێگەی هەماهەنگی ئەمنی و ڕێکخراوەیی.

• پەرەپێدانی ژێرخانی دامەزراوە نەوتییەکان و بەرزکردنەوەی توانای بەرهەمهێنانیان.

• دڵنیابوون لە دادپەروەری لە دابەشکردنی بەشە سووتەمەنی لە نێوان پارێزگاکاندا.

• چالاککردنی پلانی وەبەرهێنان لە بواری غازی هاوەڵ بۆ کەمکردنەوەی هاوردەکردنی دەرەکی.

• مەشهدانی جەختی لە پێویستی ئەو پلانانە کردەوە کە لەلایەن وەزارەتی نەوتەوە جێبەجێ دەکرێن، داوای لە لیژنەی دەستپاکی کرد بەردەوام بەدواداچوون بۆ ڕێکارەکان بکات.

ئەوەی پێویستە بیزانیت: پێشتر ئەمریکا، عێراقی تۆمەتبار کردووە بە تێکەڵکردنی نەوتی ئێران کە لەگەڵ ئەو نەوتەی خۆی هەناردەی بازارەکانی جیهانی کردووە و فرۆشتوویەتی، حکومەتی عێراقیش ڕێکارەکانی تووندتر کردووە بۆ کۆنترۆڵکردنی هەناردەکردنی نەوت و بەرهەمە نەوتییەکان.