تونێلی دەربەندیخان بۆ ماوەیەک دادەخرێت

ئاڤا نیوز

بەهۆی کەڵەکەبوونی قوڕ و لیتە، تۆنێلی دەربەندیخان بۆ ماوەی پێنج کاتژمێر دادەخرێت و پاک دەکرێتەوە.

لێدوانی فەرمی: سلێمان محەممەد، قایمقامی قەزای دەربەندیخان بە ئاڤا میدیای ڕاگەیاند، شارەوانیی دەربەندیخان شۆفێران لە داخستنی تونێلی قەزاکە ئاگادار کردووەتەوە، بەهۆی ئەوەی قوڕ و لیتە لە تونێلەکە کۆبووەتەوە تۆنێلەکە دەشۆن.

- لە کاتژمێر دووی ئەم شەو تاوەکو حەوتی سەرلەبەیانی تونێلی دەربەندیخان بە هەردوو ئاراستەدا دادەخرێت.

- داوا لە شۆفێران دەکرێت ڕێگا بەدیلەکان بە ئاگاییەوە بەکاربهێنن.