ڕێگای هەولێر – بەحرکە بەڕووی هاتووچۆ کرایەوە

ئاڤا نیوز

پڕۆژەی نۆژەنکردنەوەی ڕێگای هەولێر – بەحرکە بە دوو قۆناغ جێبەجێکرا و ئەمڕۆ بەڕووی شوفێران دەکرێتەوە، پارێزگاری هەولێریش دەڵێت، "بەمنزیکانە ڕێگای هەولێر خەبات ـیش تەواو دەبێت."

وێنە گەورەکە: ئه‌م شه‌قامه‌ یه‌كێكه‌ له‌ شه‌قامه‌ سه‌ره‌كییه‌كان و شاری هه‌ولێر به‌ به‌حركه‌ و ده‌یان گوند و ناوچه‌ی نیشته‌جێبوون و كشتووكاڵی و پیشه‌سازی ده‌به‌ستێته‌وه‌، بەتەواوبوونی جەنجاڵی لە شەقامی هەولێر – شەقڵاوە کەمدەکاتەوە.

لێدوانی فەرمی: ئومێد خۆشناو، پارێزگاری هەولێر لە کۆنگرەیەکی ڕۆژنامەوانیدا گوتی، "پڕۆژەکە بە دوو قۆناغ جێبەجێکراوە، قۆناغی یەکەم بەستنەوەی شەقامی 100 مەتری بە شەقامی 120 مەتری بوو، لە قۆناغی دووەمیش شەقامی 120 مەتری بە بە شەقامی 150 مەتری بەسترایەوە."

لەلایەکی دیکەوە: بە گوتەی پارێزگاری هەولێر، لەماوەی سێ ڕۆژی داهاتوو سایدی هاتنەوەی شەقامی هەولێر – خەبات دەکرێتەوە، دواتر دەست بە چینی دووەمی قیرتاوکردن دەکرێت و دوای هەفتەیەک بەڕووی شوفێران دەکرێتەوە.