پووتین ناوەڕۆکی کۆبوونەوەکەی لەگەڵ ترەمپ بۆ سەرۆکوەزیرانی هیندستان ئاشکرا دەکات

ئاڤا نیوز

سەرۆکوەزیرانی هیندستان ئاشکرای دەکات کە ڤلادیمیر پووتین، سەرۆکی ڕووسیا تەلەفۆنی بۆ کردووە و باسی کۆبوونەوەکەی لەگەڵ دۆناڵد ترەمپ، سەرۆکی ئەمریکا بۆ کردووە.

چیرۆکی سەرەکی: ڕۆژی هەینی کۆبوونەوەی لووتکە لەنێوان سەرۆکی ئەمریکا و سەرۆکی ڕووسیا لە ئالاسکا بەڕێوەچوو، بۆ ڕێککەوتن لەسەر کۆتاییهێنان بە شەری سێ ساڵەی نێوان ڕووسیا و ئۆکراینا.

لێدوانی فەرمی: نارێندرا مۆدی، سەرۆکوەزیرانی هیندستان بڵاویکردووەتەوە، "سوپاس هاوڕێکەم، سەرۆک پووتین بۆ پەیوەندیکردنت بە من و ئاشکراکردنی ناوەڕۆکی کۆبوونەوەکەت لەگەڵ دۆناڵد ترەمپ،  ئێمە وەکو هیندستان هەموو کاتێک داوای ڕێگەچارەی ئاشیخوازانەمان کردووە بۆ کۆتایی هێنان بە جەنگی ئۆکراینا و ڕووسیا".

ئەمەش بزانە: هەوڵە دیپلۆماسییەکان بۆ کۆتاییهێنان بە جەنگی نێوان ڕووسیا و ئۆکراینا چڕتر کراونەتەوە و ئەمڕۆ سەرکردەی وڵاتە ئەوروپییەکان و ڤۆلۆدیمیر زێلینسکی لەگەڵ دۆناڵد ترەمپ، سەرۆکی ئەمریکا لە کۆشکی سپی کۆدەبنەوە و هەنگاوەکانی کۆتاییهێنان بە جەنگی سێ ساڵەی نێوان ڕووسیا و ئۆکراینا تاوتوێ دەکەن.