خانمە هونەرمەندێکی کورد بەشداریی پێشانگەیەک لە پۆڵەندا دەکات

ئاڤا نیوز

خانمە هونەرمەندێکی کورد بە "تابلۆی ژن" بەشداریی ئیڤێنتێکی نێودەوڵەتیی لە وڵاتی پۆڵەندا کرد، دواتر هەر لە وڵاتی پۆڵەندا پێشانگەیەکی تایبەتی بۆ کرایەوە.

چیرۆکی سەرەکی: دوو هەفتە پێش ئێستا ئیڤێنتێکی گەورەی هونەرییی لە وڵاتی پۆڵەندا بەڕێوەچوو کە ئیڤێنتەکەدا جگە لە گۆرانی و موزیک و پێشکەشکردنی سیمینار، 28 وێنەکێشی نێودەوڵەتیی بەشدارییان تێدا کردبوو، سێ کەس لەوانە کورد بوون. وێنەکێشەکانی دیکەش لە وڵاتانی کرواتیا، مەقدۆنیا، پۆڵەندا، سڕبیا، سلۆڤینیا و ئیتاڵیا بوون.

زانیاریی زیاتر: 12 ڕۆژ دوای ئیڤێنتەکە، پێشانگەیەک بۆ هونەرمەندە بەشداربووەکان کرایەوە و لە نێویاندا خانمە هونەرمەندی شێوەکاری کورد، شیریڤان بارانی بوو کە مژاری تابلۆکەی لەبارەی ژنەوە بوو.

ئەمەش بزانە: شیریڤان دوێنێ گەیشتەوە هەولێر و ئەمڕۆ لە پرۆگرامی کولتووری ئاڤا میدیا میوان بوو و باسی تابلۆکەی و کاری هونەریی و ئیڤێنتەکەی پۆڵەندای کرد.