حووسییەکان هێرشیان کردە سەر کەشتییەکی دیکەی ئەمریکا

ئاڤا دیجیتاڵ

 

هێرشی حووسییەکان بۆ سەر کەشتییەکانی ئەمریکا بەردەوامە؛ ڕۆژی چوارشەممە 17-01-2024 حووسییەکانی یەمەن لە کەناراوەکانی ولاتەکەیان هێرشێکی دیکەیان کردە سەر کەشتییەکی ئەمریکی، هێشتا نازانرێت کە ئایا زیانی گیانی هەبووە یان نا.

 

لێدوانی فەرمی: یەحیا سەریع، گوتەبێژی سەربازیی حووسییەکان لەبارەی هێرشەکەوە گوتی: "بە ژمارەیەک مووشەک، هێرشمان کردە سەر کەشتییەکی ئەمریکی لەسەر کەناراوەکانی وڵاتەکەمان". 

 

"هێرشی حووسییەکان بۆ یارمەتیدانی فەڵەستینییەکانی غەزەیە" و گوتەبێژی سەربازیی حووسییەکان بەڵێنی دا، درێژە بە هێرشەکانیان دەدەن. 

 

لەلایەکی دیکەوە: لەوە ناچێت هێرشەکانی ئەمریکا و هاوپەیمانەکانی کاریگەرییان لەسەر کەمکردنەوەی هێرشی حووسییەکان هەبووبێت، چونکە یەکشەممەی ڕابردوو فڕۆکە جەنگییەکانی ئەمریکا مووشەکێکی دیکەی دژەکەشتییان تەقاندەوە کە بەرەو کەشتییەکی جەنگی ئەمریکی ئاراستە کرابوو، "بەڵام هیچ زیانێکی نەبوو". هەر ڕۆژێک دوای ئەوە، حووسییەکان هێرشی دیکەیان کرد، ئەمریکا ئارامی نەما و ڕۆژی چوارشەممە حووسییەکانی خستە نێو لیستی تیرۆرەوە. 

 

باکگراوند: حووسییەکان "بە پاڵپشتیی ئێران" ساڵانێکە هێرش دەکەنە سەر بەرژەوەندییە ئابووری و سیاسییەکانی سعوودیە و هاوپەیمانەکانی، لەدوای دەستپێکردنی شەڕی ئیسرائیل و حەماس ئاراستەی مووشەکەکانی گواستووەتەوە بۆ سەر دەریای سوور و پەلاماری کەشتییەکانی نێو دەریای سوور دەدەن.