شاندی هەرێمی کوردستان کۆبوونەوەکانیان لە بەغدا دەستپێدەکەن

ئاڤا نیوز

شاندێکی هەرێمی کوردستان لە بەغدان و لەگەڵ شاندێکی وەزارەتی دارایی عێراق کۆدەبنەوە، گفتوگۆ لەسەر میکانیزمەکانی ڕادەستکردنی داهاتی مانگەکانی داهاتوو دەکەن.

وێنە گەورەکە: چاوەکان لەسەر کۆبوونەوەی ئەمڕۆی ئەنجوومەنی وەزیرانی عێراقن بۆ بڕیاردان لەسەر ناردنی مووچەی مانگی شەشی فەرمانبەرانی هەرێمی کوردستان، شاندێکی باڵای هەرێمی کوردستانیش لە بەغدان. بڕیارە پێش کۆبوونەوەکان لەگەڵ هاوتاکانیان یەکتر ببینن.

زانیاریی تایبەت: سەرچاوەیەک لە وەزارەتی دارایی و ئابووری هەرێمی کوردستان بە ئاڤای گوت، "شاندەکە گەیشتوونەتە بەغدا پێکهاتوون لە شاندێکی ئەنجوومەنی وەزیران و ژمارەیەک بەڕێوەبەری گشتیی وەزارەتی دارایی، کۆبوونەوەکانیان لەگەڵ شاندێکی وەزارەتی دارایی عێراق و دیوانی چاودێری دارایی دەبێت."

زانیاریی زیاتر: داهاتی نانەوتی 120 ملیار دینار بۆ مووچەی مانگی شەش یەکلایی کراوەتەوە، ئامانجی ئەو شاندە کەمکردنەوەی بڕەکە و دیاریکردنییەتی بەگوێرەی بارودۆخەکە بۆ مانگی حەوت و مانگەکانی دواتر.