تەمەنی خانەنشینی بەشێکی دیکەی زیندانییانی سیاسی درێژ دەکرێتەوە

ئاڤا نیوز

زیندانیکراو و گیراوانی سیاسی لە لیستی ژمارە نۆ تا ژمارە 15 سوودمەند دەبن لە درێژکردنەوەی تەمەنی خانەنشینی لە 60 ساڵەوە بۆ 65 ساڵ.

 

چیرۆکی سەرەکی: ئەنجوومەنی وەزیرانی هەرێمی کوردستان ڕەزامەندی دا لەسەر درێژکردنەوەی تەمەنی خانەنشینی زیندانیکراو و گیراوانی سیاسی لە لیستی ژمارە نۆ تا ژمارە 15 لە 60 ساڵەوە بۆ 65 ساڵ، بۆ ئێستا مووچەی بەردەوامبوونیان لە ڕاژە لەسەر بودجەی وەزارەتەکانیان خەرج دەکرێت.

 

لێدوانی فەرمی: ئەحمەد مام ڕەسووڵ، بەرێوەبەری گشتیی خزمەتگوزاریی کەسوکاری شەهیدان و زیندانییانی سیاسی لە وەزارەتی شەهیدان بە ئاڤا میدیای گوت: زیندانیکراو و گیراوانی سیاسی لە لیستی ژمارە نۆ تا ژمارە 15 هەر کەسێکیان فەرمانبەر بێت سوودەمەند دەبێت لە درێژکردنەوەی تەمەنی خانەنشینی لە 60 ساڵەوە بۆ 65 ساڵ، لە کاتێکدا پێشتر تەنیا لیستی یەک تا نۆ لەو بڕیارە سوودمەند دەبوون.

 

- هەر زیندانیکراو و گیراوێکی سیاسی لەو بڕیارە سوودمەند بێت وەزارەتی شەهیدان پشتگیری بۆ دەکات و تەمەنی خانەنشینی بۆ درێژدەکرێتەوە.

 

 

ئەوەی پێویستە بیزانیت:  لیستەکانی 9 تا 15ـی زیندانییانی سیاسی هەرێمی کوردستان، ژمارەیان 20 هەزار و 591 کەسە، ڕێکارەکانی مامەڵەیان تەواو کردووە، بەهۆی کێشەی دارایی و تەرخان نەکردنی پارە لە بودجەی عێراق بۆ ساڵەکانی 2023 و 2024 و 2025، نەتوانراوە مینحەیان بۆ تەرخان بکرێت.