ماکرۆن پێشنیازی سویسرا دەکات بۆ میوانداریی لووتکەی پووتین و زێلێنسکی

ئاڤا نیوز

لەبارەی ئەگەری کۆبوونەوەی پووتین و زێلێنسکی، سەرۆکی فەرەنسا پێشنیازی شاری جێنڤی سویسرا دەکات بۆ ئەوەی میوانداری ئەم کۆبوونەوەیە بکات.

 

وێنە گەورەکە: دوای کۆبوونەوەی دۆناڵد ترەمپ سەرۆکی ئەمریکا لەگەڵ ڤلادیمێر پووتین، سەرۆکی ڕووسیا لە ئەلاسکا،  دوێنی دووشەممە ترەمپ لە کۆشکی سپی لەگەڵ ڤۆلۆدیمێر زێلینسکی، سەرۆکی ئۆکراینا و بەشێک لە سەرکردەکانی ئەوروپا کۆبوویەوە، زێلێنسکی، ئامادەیی خۆی بۆ بینینی پووتین دەربڕی و ترەمپش ئاشکرای کرد دیدارەکەی نێوانیان ڕێکدەخات

 

زانیاریی بەدەستهاتوو: ئیمانوێل ماکرۆن، سەرۆکی فەرەنسا لە چاوپێکەوتنێکدا ڕایگەیاند، جنێڤ دەتوانێت میوانداری لووتکەی ئاشتی لە نێوان ڤلادیمێر پووتین و سەرۆکی ڕووسیا و  ڤلۆدێمیر زێلێنسکی، سەرۆکی ئۆکراینا بکات.