د. ئامانج مەحموود: هیچ بەربەستێک بۆ ناردنی مووچە نامێنێت

ئاڤا نیوز

 

کۆبوونەوەکانی شاندی هەرێمی کوردستان لە بەغدا بەردەوامن و ئەندامێکی لیژنەی وزەش دووپاتی دەکاتەوە دوای ئامادەکردنی ئەو ڕەشنووسە و پێشکەش کردنی بە ئەنجوومەنی وەزیرانی عێراق هیچ بەربەستێک بۆ ناردنی مووچە نامێنێت.

 

وێنە گەورەکە: بۆ جێبەجێکردنی ناوەڕۆکی لێکتێگەیشتنی نێوان هەرێمی کوردستان و عێراقی فیدڕاڵ، کۆبوونەوەی نێوان شاندەکانی هەردوولا بەردەوامە و لە گەیشتن بە ڕێککەوتنی کۆتایی نزیک بوونەتەوە.

 

لیدوانی فەرمی: د. ئامانج مەحموود، ئەندامی لیژنەی وزە لە پەرلەمانی عێراق بە ئاڤا میدیای گوت: ناردنی مووچە پەیوستە بەو مەرجانەی لە کۆبوونەوەی دوێنێی ئەنجوومەنی وەزیرانی عێراق دانراون، ئەو مەرجانە یەکلا دەبنەوە و دەگەن بە ئەنجام و ڕاستەوخۆ مووچە دێت.

 

-ئەو ڕەشنووسەی داوا کراوە، ئامادە کراوە و پێشەکشی ئەنجوومەنی وەزیران دەکرێت، دوای ئەوە هیچ بەربەستێک بۆ ناردنی مووجە نامێنێت.

 

د. ئامانج مەحموود لەبارەی نەوتەوە ئەم قسانەی کرد:

-فرۆشتنی نەوتی هەرێمی کوردستان لە ڕێگەی سۆمۆوە ڕێککەوتنی لەسەر کراوە و هیچ کێشەیەکی نەماوە.

-حکومەتی هەرێمی کوردستان و کۆمپانیاکان هیچ کێشەیەکیان نییە لە هەناردەکردنەوەی نەوت.

-لایەنی تورکی هیچ گرفتێکی بۆ هەناردەکردنی نەوتی هەرێمی کوردستان لە ڕێگەی بەندەری جەیهان نییە.

-عێراق ڕێژەیەکی هەیە بۆ هەناردەکردنی نەوت، ئەگەر نەوتی هەرێمی کوردستان هەناردە بکرێت، دەبێت بەشێکی نەوتی باشوور و ناوەراست کەم بکرێتەوە.

-لە داهاتی نانەوتی، هەرێمی کوردستان نەرمی زۆری نواندووە لەپێناوی دابین کردنی مووچەی مووچەخۆران.

 

-دوای ئەم ڕێکەوتنە و جێبەجێ کردنی هەموو داواکارییەکانی بەغدا هیچ بیانوێکیان نامێنێت.

 

ئەوەی پێویستە بیزانیت: هاوکات د.ئامانج مەحموود هۆشداری دا کە "دەستێکی سیاسی هەیە لە عێراق نایەوێت هەرێمی کوردستان و عێراقی فیدڕاڵ ڕێکبکەون.