پارتی دیموکراتی کوردستان: پیرۆزباییەکانتان گیانی کارکردنی پێکەوەییمان زیاتر دەکات

ئاڤا نیوز

مەکتەبی سیاسیی پارتی دیموکراتی کوردستان لەبەرامبەر ناردنی پیرۆزبایی بۆ یادی 79 ساڵەی دامەزراندنی پارتی و ساڵیادی لەدایکبوونی سەرۆک بارزانی، سوپاسی هەموو حیزب و لایەنەکان دەکات و دەڵێت، "پیرۆزباییەکانتان گیانی کارکردنی پێکەوەییمان زیاتر دەکات".

وێنە گەورەکە: ڕۆژی 16ـی ئابی 1946، پارتی دیموکراتی کوردستان دامەزرا و لەهەمان ڕۆژدا سەرۆک مەسعود بارزانی لە مەهاباد لەدایکبوو. ئێستا پارتی لەسەر ئاستی عێراق گەورەترین حیزبی خاوەن پێگەی جەماوەرییە.

ڕاگەیێنراوی فەرمی: مەکتەبی سیاسیی پارتی دیموکراتی کوردستان لە ڕاگەیێنراوێکدا  بەناوی سەرۆک مەسعود بارزانی سوپاسی هەموو ئەو هێز و لایەنە سیاسییانەی هەرێمی کوردستان و پارچەکانی دیکەی کوردستان، لەگەڵ نوێنەری وڵاتان و هێزە عێراقییەکان و خەڵکی دەکات کە لەیادی دامەزراندنی پارتی و لەدایکبوونی سەرۆک بارزانی پیرۆزباییان ناردبوو.

پارتی لە ڕاگەیێنراوەکەدا جگە لە سوپاس، ئەو پەیامەش بەهەمووان دەگەیەنێت  کە پیرۆزباییەکانیان "گیانی کارکردنی پێکەوەیی زیاتر دەکات".