ئەمریکا داوای دەستبەجێ کۆتاییهێنان بە شەڕی غەززە دەکات

ئاڤا نیوز

هەوڵەکان بۆ کۆتاییهێنان بەشەڕی غەززە چرتڕ بوونەتەوە، نێردەی ئەمریکاش ئاشکرای دەکات، ترەمپ دەیەوێت دەستبەجێی کۆتایی بە ململانێکانی غەززە بهێنێت.

لێدوانی فەرمی: ستیڤ ویتکۆف، نێردەی ئەمریکا بۆ کاروباری ڕۆژهەڵاتی ناوەڕاست، لە چاوپێکەوتنێکدا لەگەڵ کەناڵی فۆکس نیوز جەختی لەسەر پێویستی گەڕانەوەی بارمتە ئیسرائیلییەکان و ئازادکردنی دیلەکانی فەلەستینی و ئاوەدانکردنەوەی غەززە کردەوە، دەشڵێت، دۆناڵد ترەمپ، سەرۆکی ئەمریکا دەیەوێت دەستبەجێی کۆتایی بە ململانێکانی غەززە بهێنێت.

لالایەکی دیکەوە: قەتەر و میسر پێشنیازی ئاگربەستیان بۆ ماوەی دوو مانگ لە کەرتی غەززە کردووە، بزووتنەوەی حەماس ڕەزامەندیی لەسەر پێشنیازەکە داوە، لە بەرامبەردا دەستەی پەخشی ئیسرائیل لەزاری سەرچاوەیەکەوە لە نووسینگەی بنیامین نەتانیاهۆ، سەرۆکوەزیرانی ئیسرائیل ڕایگەیاندووە، نەتانیاهۆ ڕێککەوتنێکی بەشەکی ڕەتکردووەتەوە و داوای ئازادکردنی هەموو بارمتەکانی کردووە بە یەکجار و ڕایگەیاندووە، "یەک بارمتە بەجێناهێڵین."