فەرهاد پیرباڵ: بەو ئامانجە گەیشتووم کە بۆی لە دایکبووم

ئاڤا نیوز

فەرهاد پیرباڵ مۆمی 64 ساڵەی تەمەنی کوژاندەوە و دەڵێت بۆ ئەوە لە دایکبووم بۆ ئەوەی ببم بە فەرهاد پیرباڵ، بەو ئامانجەش گەیشتووم.

چیرۆکی سەرەکی: ئەمڕۆ یادی لەدایکبوونی پرۆفیسۆر دکتۆر فەرهاد پیرباڵە بەم بۆنەیەوە ئاڤا میدیا لە گەشتی هەواڵەکانی کولتوور، میوانداری کرد.

لێدوانی فەرمی: فەرهاد پیرباڵ بە ئاڤا میدیای گوت: کە لە دایک دەبین پێویستە ئامانجی خۆمان دیاری بکەین، من بۆ ئەوە لە دایکبووم بۆ ئەوەی ببم بە فەرهاد پیرباڵ، بەو ئامانجەش گەیشتووم کە بۆی لە دایکبووم.

فەرهاد پیربال ئەمانەشی وت:

٠ باوکم حەزی دە کرد ببم بە ئەندازیار و پێی دەگوتم نەوت لەژێر زەوی ببینەوە.

٠ کتێب و بەرهەمەکانم مەزاد دەکەم، چونکە ڕێزی کتێب و بەرهەمەکانمان نازانێت.

٠ بەشێکی مێژووی کوردم نووسیتەوە، بەشێکی کتێبەکانم بۆ یەکەم جارە نووسراون، بەڵام ئەو شتانە قەدری نازانرێت.

٠ عەزیز گەردی برادەرم بوو خۆشم دەویست، بەداخەوە بازرگانی بە عەزیز گەردی دەکرێت.

٠ داوا دەکەم کتێبخانەکەم بکرێتە مۆزەخانەیەک.

٠ زۆربەی ژیانم بۆخۆم ژیاوم و لە هیچ شتێکی ژیانم پەشیمان نیم.

٠ سەرۆک بارزانی پێی گوتم ئەگەر شوێنێک خاکی کوردستان بوو ئازادمان نەکرد گلەیی لە ئێمەی پێشمەرگە بکەن، دەبێت ئێوەش خۆتان زانکۆ ڕیفۆرم بکەن.

گۆشەیەکی دیکەی دیمەنەکە: بڕیارە هەر ئەمڕۆ لە هەولێر چالاکیەکی تایبەت بە لەدایکبوونی دکتۆر فەرهاد پیرباڵ بکرێت، تێیدا بەشێک لە بەرهەمی شێوەکاری فەرهاد پیرباڵ نمایش دەکرێت و ژمارەیەک لە کتێبەکانی مەزاد دەکرێن، هاوکات ژمارەیەک چالاکی هونەری گۆرانی و موزیک و شانۆگەری پیشکەش دەکرێن.

ئەوەی پێویستە بیزانیت: دکتۆر فەرهاد پیرباڵ ساڵی 1961 لە شاری هەولێر لەدایکبووە، خاوەنی 90 کتێب و چەندین تابلۆ و بەرهەمی شیعر و گۆرانیە.