عێراق داوای ڕادەستکردنەوەی چەکدارە بیانییەکانی داعش دەکات

ئاڤا نیوز

بە مەبەستی دادگاییکردنیان، دەسەڵاتی دادوەریی عێراق داوا لە کۆمەڵگەی نێودەوڵەتی دەکات،  سەرجەم ئەو چەکدارە بیانیانەی داعش کە دەستیان بە خوێنی عێراقییەکان بەگشتی و ئێزدییەکان بەتایبەتی سوورە، ڕادەستی عێراق بکەنەوە .

چیرۆکی سەرەکی: ئەمڕۆ چوارشەممە، 2025-08-20 بەبۆنەی تێپەڕبوونی 11 ساڵ بەسەر تاوانی کۆمەڵکوژیی کوردانی ئێزدی، سەنتەری نیشتمانی بۆ هاریکاریی دادوەریی نێودەوڵەتی کۆنفرانسێکی لە زانکۆی ئەمریکی لە بەغدا بەڕێوەبرد.  

لێدوانی فەرمی: لە وتەیەکدا، فایەق زێدان، سەرۆکی ئەنجوومەنی باڵای دادوەری ڕایگەیاند: دەسەڵاتی دادوەری پابەندی لێپرسینەوەیە لە هەموو ئەوانەی دەستیان بە خوێنی خەڵکی بێتاوان سوورە.

زانیاریی زیاتر: کۆنفرانسەکە داوای لە کۆمەڵگەی نێودەوڵەتی کرد سەرجەم ئەو چەکدارە بیانیانەی داعش کە دەستیان بە خوێنی عێراقییەکان بەگشتی و ئێزدییەکان بەتایبەتی سوورە بە مەبەستی دادگاییکردنیان، ڕادەستی عێراق بکەنەوە، هاوکات سەنتەری نیشتمانی بۆ هاریکاریی دادوەریی نێودەوڵەتی داوای لە نوێنەرانی وڵاتان و ڕێکخراوە نێودەوڵەتی و هەرێمییەکان کرد، بەبێ وەرگرتنی ڕەزامەندیی پێشوەختە، هیچ بەڵگەیەکی تایبەت بە تاوانەکانی داعش هاوبەش نەکەن و بڵاوی نەکەنەوە، چونکە ئەو بابەتە بە مافێکی سەروەریی عێراق دادەنرێت.