گەورەترین دەریاچەی جیهان کە لە وڵاتی ئێرانە بەرەو بەبیابانبوونی تەواوەتی دەڕوات

ئاڤا نیوز

دەریاچەی قەزوین کە یەکێکە لە دەریاچە گەورەکانی جیهان و دەکەوێتە باشووری وڵاتی ئێران بەرەو وشکبوونی تەواوەتی دەڕوات و دەبێتە بیابان.

وێنە گەورەکە: کەمبارانی ئەم چەند ساڵەی ئێران بەدەر لەوەی کاریگەریی لەسەر ژیانی دانیشتوان کردووە، هاووڵاتییانی ئێران ڕووبەڕووی قەیرانی ئاو بوونەتەوە لە پاڵ ئەوەشدا یەکێک لە دەریاچە گەورەکانی جیهان کە دەریاچەی قەزوینە بەرەوە وشکبوونی تەواوەتی دەڕوات.

لێدوانی فەرمی: فەرید موجتەهیدی، شارەزای کەشناسی دەڵێت، پاشەکشەی ئاوی دەریا بە درێژایی کەناراوەکانی قەزوین گەیشتووەتە نزیکەی 300 مەتر و ئەگەر ئەم دابەزینە بۆ 500 یان 600 مەتر زیاد بکات ئەوا ناوچەیەکی بیابانی لە لم و خوێ لە دوای خۆی بەجێدەهێڵێت.

زانیاریی زیاتر: فەرید موجتەهیدی وتیشی: "لە ئێستادا ڕووبەڕووی بەهێزی با دەبینەوە بە درێژایی کەناراوەکانی دەریای قەزوین، ئەمەش خێرایی وشکبوونی ئاوی دەریاچەکە زیاتر دەکات و ئەم بەبایبانبوونەش لە ناوچەکانی باشووری قەزوین دەبێتە هۆی دروستبوونی خۆڵبارین.

ئەوەی پێویستە بیزانیت: دەریاچەی قەزوین گەورەترین دەریاچەی جیھانە کە پێنج وڵاتی ڕووسیا، ئێران، ئازەربایجان، تورکمانستان و کازاخستان کەوتوونەتە لێواری ئەم دەریاچەیەوە.