زیاتر لە 40 هەزار کەس بە دیجتیاڵی ناویان بۆ پرۆسەی حەج تۆمار کردووە

ئاڤا نیوز

ئەمساڵ گۆڕانکاری لە پرۆسەی تۆمارکردنی ناوی خوازیاران بۆ پرۆسەی حەج کراوە. ئەوانەی دەیانەوێت ناویان بۆ حەج تۆمار بکەن دەبێ لە سیستمی دیجیتاڵی تایبەتمەند ناو تۆمار بکەن و پێویست ناکات سەردانی هیچ شوێنێک بکەن.

وێنە گەورەکە: لەماوەی پێنج ساڵی ڕابردوودا کابینەی نۆیەمی حکومەتی هەرێمی کوردستان گۆڕانکاری گەورەی لە پرۆسەی بە دیجتاڵیکردنی کاروباری فەرمانگەکانی حکومەت کردووە، ئەمساڵ ناونووسین بۆ پرۆسەی حەج کرا بە ئەلیکترۆنی و هاونیشتمانیان لە ڕێگای ماڵپەڕی "دەروازی حەج" دەتوانن ناویان تۆمار بکەن.

لێدوانی فەرمی: هیوا ئەفەندی، سەرۆکی فەرمانگەی تەکنۆلۆژیای زانیاری دەڵێت: لەماوەی 10 ڕۆژدا زیاتر لە 40 هەزار کەس لە ماڵەوە لەڕێگەی مۆبایل و ئامێری زیرەکەوە خۆیان بۆ پرۆسەی حەج تۆمار کردووە. "ئەمە ئەوە دەردەخات کە کۆمەڵگەی کوردی، کۆمەڵگەیەکی ژیر و بەتوانایە کە دەزانێت سوود لە تەکنۆلۆژیا وەربگرێت".

بۆچی گرنگە: ڕۆژی 10-8-2025، وەزارەتی ئەوقاف و کاروباری ئاینی ماڵپەڕی "دەروازەی حەج"ـی ڕاگەیاند، هاونیشتمانیان دەتوانن لە ماڵەوە بە ئاسانی ناویان تۆمار بکەن بەبێ ئەوەی سەردانی هیچ شوێنێک بکەن.