دانیمارک ڕێگە دەدات ژیریی دەستکرد لە تاقیکردنەوەکاندا بەکاربهێنرێت

ئاڤا نیوز

لە ساڵی داهاتووەوە قوتابیانی هەندێک لە قوتابخانە ئامادەییەکانی وڵاتی دانیمارک ڕێگەیان پێدەدرێت کە ژیریی دەستکرد (AI) بۆ ئامادەکاری لە تاقیکردنەوەکانی زمانی ئینگلیزیدا بەکاربهێنن.

وێنە گەورەکە: لە سەرانسەری جیهاندا مشتومڕ لەسەر لێکەوتەکانی بەکارهێنانی ژیریی دەستکرد لە قوتابخانەکاندا هەیە، زیرەکیی دەستکرد بە ئامرازێکی فێربوونی بەسوود ناودەبەن، هەندێکیش بە ڕێگایەکی مەترسیدار بۆ دروستکردنی نەوەیەکی بێتوانا لە ڕووی زانست و فێربوونەوە ناوی دەبەن.

ڕاگەیێنراوی فەرمی: وەزارەتی پەروەردەی دانیمارک ڕایگەیاند، ڕێگە دەدەن ژیریی دەستکرد لە پڕۆگرامی خوێندنی ئینگلیزیدا لە ساڵی 2026ـەوە شێوەیەکی تاقیکاری بەکاربهێنرێت، و تەنیا بۆ بەشی زارەکی تاقیکردنەوەی زمانی ئینگلیزی بۆ بڕوانامەی ئامادەیی جێبەجێ دەکرێت.

زانیاریی زیاتر: لەو تاقیکردنەوەیەدا، کاتێک قوتابی بابەتەکەی وەردەگرێت، یەک کاتژمێری دەبێت بۆ ئامادەکاری، کە لەو ماوەیەدا ڕێگەی پێدەدرێت هەموو ئامرازە بەردەستەکان بەکاربهێنێت، بە ژیریی دەستکردیشەوە ، پاشان، قوتابیان دەبێت بەشێوەی زارەکی و بە شێوەی ڕووبەڕوو لەبەردەم مامۆستاکاندا تاقیکردنەوە ئەنجام بدەن.

لێدوانی فەرمی: ماتیاس تێسفای، وەزیری پەروەردەی دانیمارک ڕایگەیاند، ئێمە دەست بە پلانی تاقیکاری دەکەین بۆ دۆزینەوەی هاوسەنگییەکی گونجاو و پێویستە ئێمە بە باشترین شێوە قوتابیان ئامادە بکەین بۆ ئەو ڕاستیەی کە دوای تەواوکردنی خوێندن ڕووبەڕووی دەبنەوە.

ئەمەش بزانە: دانیمارک لە ساڵی 2008ـەوە ڕێگەی بە قوتابیان داوە ئینتەرنێت لە کاتی تاقیکردنەوەکاندا بەکاربهێنن. ئەم تاقیکردنەوە نوێیەی ژیریی دەستکرد تەنیا بۆ ئەو قوتابخانە ئامادەییانە دەبێت کە دەیانەوێت بەشداری لە پڕۆسە تاقیکارییەکە بکەن.