ترەمپ یەکێک لە دیارترین یاریدەدەرەکانی لە کۆشکی سپی، کردە باڵیۆزی هیندستان

ئاڤا نیوز

لەم دواییانەدا پەیوەندییەکانی ئەمریکا و هیندستان ئاڵۆزی تێکەوتووە، لەم چوارچێوەیەدا دۆناڵد ترەمپ، سەرۆکی ئەمریکا، سێرجیۆ گۆر کە یەکێکە لە دیارترین یاریدەدەرەکانی لە کۆشکی سپی، وەک باڵیۆز لە هیندستان دەستنیشانکرد.

بڵاوکراوەی فەرمی: دۆناڵد ترەمپ، سەرۆکی ئەمریکا لە هەژماری تایبەتی خۆی لە ترووس سۆشیاڵ ڕایگەیاند، '' بۆ پڕ دانیشتووترین ناوچەی جیهان 'هیندستان'، گرنگە کەسێک هەبێت کە بە تەواوی متمانەی پێبکەم بۆ ئەوەی کارنامەکەم پێشکەش بکات، سێرجیۆ باڵیۆزێکی سەرسوڕهێنەر دەبێت.''

کاریگەریی و لێکەوتەکان: کاندیدکردنی گۆر لە کاتێکدایە کە گرژییەکانی ئەمریکا لەگەڵ هیندستان بەرزبوونەتەوە، ترەمپ پەنای بردە بەر سەپاندنی باجی زۆر لەسەر کاڵای هیندستان بۆ ئەوەی فشار بخاتە سەر نیودەلهی تا کڕینی نەوت لە ڕووسیا ڕابگرێت.

لەلایەکی دیکەوە: مارکۆ ڕۆبیو، وەزیری دەرەوەی ئەمریکا بە خێرایی پشتگیری لە ناوبراو کرد و وتی، دەبێتە نوێنەرێکی نایاب بۆ ئەمریکا.