ڕووناکیی گڵۆپ لە شەودا مەترسیی جەڵتە زیاد دەکات

ئاڤا نیوز

 

بەگوێرەی توێژینەوەیەک کە لە گۆڤاری ستۆرک لە کۆمەڵەی دڵی ئەمریکی بڵاو بووەتەوە، پیسبوونی ژینگەی ڕووناکی و بەرکەوتنی زۆری ڕووناکیی گڵۆپەکان لە کاتی شەودا مەترسیی جەڵتە زیاتر دەکات و ئەم مەترسییە 80%ـی خەڵک دەگرێتەوە. 

 

ئەوەی پێویستە بیزانیت: توێژینەوەکە لەسەر پەیوەندیی نێوان ڕووناکیی دەستکرد لە کاتی شەو و مێشکی مرۆڤ کراوە، 28 هەزار و 302 کەس لە دانیشتووانی شارێکی گەورەی چین، نینگبۆ، کە دانیشتووانەکەی 8 ملیۆن کەسە، بەشدارییان تێدا کردووە. 

 

زانیاریی بەدەستهاتوو: بە گوێرەی ئەنجامی توێژینەوەکە ئەوانەی کە زیاتر بەر ڕووناکیی گڵۆپەکان دەکەون لە شەودا بە ڕێژەی 43% زیاتر لەوانی دیکە ئەگەری توشبوونیان بە نەخۆشی خوێنبەرەکانی مێشک و ڕوودانی جەڵتە هەیە. 

 

زانیاریی زیاتر: توێژینەوەیەکە پێشنیاز دەکات دانیشتووانی شارەکان بەرکەوتنیان لەگەڵ ڕووناکیی دەستکردی گڵۆپەکان لە کاتی شەودا کەم بکەنەوە. ئەمە لەکاتێکدایە 80%ـی دانیشتووانی جیهان لەو شوێنانە دەژین کە ژینگەی ڕووناکییان بەبۆنەی ڕووناکیی دەستکردەوە پیس بووە.